فتحى عبد الوهاب وعمرو يوسف يجتمعان فى مسلسل جديد يحمل عنوان " وعد ابليس "

تحدث الفنان عمرو يوسف ، عن تفاصيل مشاركته في مسلسل " وعد إبليس " الذى صدر حديثا على مواقع الانتر نت من خلال دعوة لبرنامج " تريدينج " ، كشف فيه عن مشاركة الممثلة الأمريكية بولا باتون في المسلسل وتجاربه معها

إقرأ أيضاً: مهرجان الأسكندرية الدولى المسرحى يكرم النجمه الكبيرة الهام شاهين بحفل الختام

أبرز تصريحات عمرو يوسف عن مسلسله الجديد وعد إبليس :

قال النجم عمرو يوسف ضاحكا : " باولا سايبه توم كروز ودنزل واشنطن .. وجايه تمثل مع العبد لله ؟ .. والست أشتغلت مع هوليود سوبر ستار .. وكنت لسه بستكشف الشخصيه اللى هتعامل معاها .. هتعامل معاها ازاى ؟ .. خاصه اني اول مره اقابلها .. وهى على المستوي الانسانى انسانه جميله ومتعاونه جدا وبذلت مجهود كبير .. وانا الحقيقة استمتعت بالشغل معاها جدا .. وفريق العمل كله كان سعيد بالعمل معاها .. ولسه دورها هيوضح فى الحلقات اللي جاية اكتر واكتر "

فتحي عبد الوهاب يتعاون مع نيلى كريم :

كما اعرب عمرو يوسف عن سعادتة البالغه بتعاونة لاول مره مع الفنان الكبير " فتحى عبد الوهاب " حيث قال : " فتحى عبد الوهاب من الناس اللي اتشرفت وأتبسط اننا قربنا من بعض وبقينا أصدقاء اكتر من خلال هذا العمل .. لانه انسان مثقف ومتحضر جدا ..و كنت بستمتع فى الشغل معاه والحديث معاة فى الكواليس عن شخصياتنا وابعاها .. لدرجه ان وصلنا فى مرحله من التفكير " هو غرض الشيطان إيه والانسان ايه ؟ " ده كان شغل ممتع جدا جدااا "

كما ضاف " عمرو يوسف " فى حديثة تفاصيل مشاهدة مع الفنانة " نيلى كريم " .. قائل : " مشاهدى مع حبيبتى الفنانة الجميلة اللى شرفتنا واضافت لينا كلنا نيلى كريم .. فى المشهد ده بالتحديد هو ابراهيم مكنش شخصيتة التانيه .. وهو كان بيعافر ، وهى كانت عايزاه يستسلم والشيطان كمان كان عايزه يستسلم ، والبنى أدم طلع القمر ، ولو كان استسلم مكنش طلع من الكهف اساسا "

رأى عمرو يوسف الأراء حول "وعد إبليس" :

تطرق الفنان " عمرو يوسف " فى حديثه عن المسلسل الذى قام بأثارة الجدل على السوشيال ميديا خلال الفترة السابقة .. حيث قال : " الجدل مش وحش .. والموضوع دة لو كنا دخلنا فى تفاصيل تانيه كان ممكن يحصل مشاكل كتير .. ولكن موضوع المسلسل انسانى جدا مش بيتكلم عن ابليس .. ولكن بيتكلم عن الأختبارات اللي بيتحط فيها " البنى ادم " .. لان دايما مفيش حد عارف الأختبار الحقيقى هيجى امته ؟ "

تفاصيل الشخصية التى يقدمها النجم عمرو يوسف :

اوضح النجم " عمرو يوسف " فى برنامج " Trending " تفاصيل شخصيتة فى مسلسل " وعد إبليس " .. حيث قال : " ابراهيم لحم ودم وبيخاف على بيته ومراته والهديه اللى ربنا بعتهالة .. اللى هى الطفل ، وكان عايز يمشى فى سكه معينه وحصل اللى حصل وخدتة فى سكه تانيه .. وتصرفاته كانت غصب عنه ودى اولى عوارض انه باع نفسة للشيطان "

واكمل قائلا : " شخصيتى فى العمل من الادوار اللى بتيجى للممثل علشان تستفزه ، علشان يحاول يطلع شخصيتين في شخصيه واحده .. الحقيقه بذلنا مجهود كبير جدا جدا الفترة اللى فاتت..، وظروف العمل مهيئه للتحضير الجيد جدا ، وانا عملت بروفات كتير جدا .. ومخرج العمل من المخرجين اللي بيوجهوا الممثل وبيشتغلوا عليه ومش بيخلوة يحتاج اى تفصيلة " .

تابعنا علي Follow صحيفة الخبر at Google News