حبيبة الشماع فتاة مصرية تتعرض لمحاولة تحرش و أختطاف من سائق شركة أوبر
تلقى قسم شرطة الشروق التابع للمديرية العامة لأمن القاهرة إخطار من المستشفى يفيد بدخول الفتاة المذكورة لإصابتها بإصابة فى الرأس ، بعد أن أفاد أحد شهود الواقعة أنه كان يسير على طريق السويس عندما رأى الضحية تقفز من الباب الخلفي للسيارة ، حيث أخبرته أنها كانت بالسيارة المذكورة التابعة لأحد تطبيقات النقل الذكية و حاول سائق السيارة الرجوع بها إلى الخلف و الأعتداء عليها جنسيا ، بينما تمكنت الأجهزة الأمنية من تحديد هوية السائق المشتبه فيه و أعتقاله .
قسم شرطة الشروق التابع للمديرية العامة لأمن القاهرة يتلقي إخطار بحضور فتاة إلى المستشفي بإصابة فى الرأس
تداولت أبنة عم الضحية داليا الشماع منشور على موقع التواصل الأجتماعي فيسبوك قائلة : أنا بكتب الـ post ده علشان احكي ليكم اللي حصل لبنت عمي علشان أولا عاوزاكم تدعولها ربنا يشفيها و يرجعها لينا بالسلامة حالتها لسه في خطر ، حبيبة فاقدة الوعي و عندها نزيف فى المخ مش بيقف خدوا بالكم من نفسكم و من بناتكم الناس بقوا مؤذيين ربنا يبعد عنا شرور الناس .
حبيبة ركبت Uber من مدينتي و كانت رايحة مصر الجديدة الساعة 6:50 ، مامتها كلمتها في التليفون مكنتش سمعاها كويس علشان صوت الكاسيت كان عالي أوي و الراجل كان بيتخانق فالتليفون ،حبيبة طلبت منه يوطي الكاسيت قالها لاء و كان بيبرطم بالكلام مامتها مكنتش سامعة هو بيقول أيه ، قالتلها ماله ده حبيبة قالت لها مش عارفه ماله و قفلت بعدها .
أصحاب حبيبة كلموها يشوفوها وصلت فين رد عليهم واحد قال لهم صاحبة التليفون ده وقعت من العربية ، قعدت تتشقلب لحد ما خبطت فى الحاجز الأسمنتي اللي على طريق السويس و لما راح يسألها أيه اللي حصلك قالت سواق Uber كان عاوز يخطفني و جالها تشنجات و فقدت الوعي ، أنا معرفش حصل ايه يخوفها بالشكل ده ترمي نفسها و العربية بتجري ، بس أنا عارفة كويس أن حبيبة بتخاف على نفسها و أكيد هو رعبها ، السواق أختفى بعد ما وقعت و مطلبش لها الإسعاف .
